माई नगरपालिकामा कोरोनाको दोश्रो संक्रमित भेटिएका छन् । साउदी अरबबाट असार २९ गते नेपाल आएका माई नगरपालिका–४ कट्टेलटारका २६ बर्षिय पुरुषमा कोरोनाको संक्रमण देखिएको हो । गरुवा बहुमुखी क्याम्पसको क्वारेन्टाइनमा बसेका उनको साउन २ गते स्वाब निकालेर परिक्षणको लागि पठाइएको थियो । उनी संगै आएर एउटै ब्लकमा बसेका २ जनालाई पुन पिसिआर गर्ने गरि राखिएको छ ।
पोजेटिभ रिर्पोट आएका युवालाई गोठगाँउ कोरोना आईसोलेशन लगिएको स्वास्थ्य शाखा प्रमुख पुस्कर कट्टेलले जानकारी दिए । नेगेटिभ रिर्पोट आएका क्वारेन्टाइनका १६ जनालाई घर फर्काइएको छ । टेस्टका लागि पठाइएको २० जनामा एक जना स्वास्थ्यकर्मी समेत रहेका छन् । यसअघि माईमा असार १४ गते पहिलो संक्रमित फेला परेका थिए । हाल उनी उपचारपछि डिस्चार्ज भएर फर्किएका छन् ।
प्रकाशित : २०७७ श्रावण ७, बुधबार : प्रकाशित
समाचार 
